Meri Aankhon Ko Sooojhta Hi Nahi
Ya Muqaddar Mein Rasta Hi Nahi
Wo Bharay Sheher Mein Kisi Sy Bhi
Mere Baaray Mein Poochta Hi Nahi
Phir Wohi Shaam Hai Wohi Ham Hain
Haan Magar Dil Mein Honsla Hi Nahi
Ham Chalay Os Ki Bazm Sy Uth Kar
Aur Wo Hy Ky Rokta Hi Nahi
Dil Jo Eik Dost Tha Magar Wo Bhi
Chup Ka Pathar Hai Bolta Hi Nahi
Mein Tou Os Ki Talaash Mein Gum Hun
Wo Kubhi Mujh Ko Dhoondta Hi Nahi